（一）假如有人問豬仔｛我家中嘅稱號｝：你是屬於乜嘢嘅顏色？
豬仔就會用神秘莫測嘅語氣，說道：色即是空，空即是色，無色是也！對方聽到我講得出咁有佛教禪機嘅說話(註一)，一定認為我乃化外高人，就算即時唔交學費拜豬仔我為師，都怕唔會，駁我嘅嘴掛！
哈哈，左右可能要用個仙鏡(多不在人間)去睇得清，真顏色要用我工作的偉大公司生產的最高檔光譜分析儀(好鬼貴啊！)去分辨，乃是現世老百姓難分黑白的基因乎？
二零二零六月夏
（二）在豬仔出生嘅年代，就已經有紅藍兩種顏色對歭。紅色同埋藍色溝埋呢，就變為紫色，係豬仔最喜歡嘅美丽顏色之一，所以我有個筆名就叫做『紫』。當然咁好嘅事物，就係唔會發生呢！
（三）不過，時移勢遷，藍色竟然會變質，而整個世界嘅政治舞台上面，加入咗綠色嘅力量(你睇ＧＲＥＥＮ ＰＥＡＣＥ，唔係幾犀利，時常都會問你捐錢給北極熊呢！(註二)。
（四）而一向不為豬仔喜愛的黃色呀，黑色呀，白呀，其意義亦竟有咗嶄新的改變！
豬仔後生的時代，香港出現咗真正嘅暴動。多數香港人，都討厭靠左嘅方位。豬仔當然就唔敢靠左企。但係就想唔到，嚟咗美國之後，竟然被定為極左派，概因為豬仔我係個極開明(Liberal)的人仕也(註三)。
註一：貨真價實，豬仔乃佛教徒也。不過，可惜仲未練成有法術。否則唸一句咒語，就將病毒妖魔送到另一個時空嘅黑洞裏面，永世不得超生！看來，都係留番彼如來佛祖去做啦！
註二：我睇youtube嘅時候，Green_Peace嘅廣告『不停』會彈出嚟，叫我哋保護北極熊。足夠證明佢無處不在！勢力龐大！
註三：大致上美國嘅定位方針係，民主黨屬於左派，共和黨屬於右派。而通常一啲比較開明嘅獨立無黨派人士，亦都會被拋來一件極左派嘅帽子！
網頁中底畫係冰雹呢(From_US_Sun,五月二十日訊)，出現的地方係，墨西哥嘅NuevoLeo省某個叫Montemorelos的市鎮。尤於好似現時出現嘅病毒形貌，所以被認為具有靈異嘅意義。跟著聽其他報道講（可能係抄襲），中國亦出現同類嘅冰雹，評論員就認為呢啲係不祥嘅徵兆。不過豬仔認為，佢可能搞錯咗呢！思維缺乏中國邏輯。五月呢，中國報稱的感染人數早已平底多時。而墨西哥呢，雖然係大毒廇的下面，感染人數门真算係細，今日一查，中墨兩個大國俱是八萬四，大家都有靈異的雪白大冰雹，正是不世祥物，同受蒼天嘅眷戀呀！阿彌陀佛善哉善哉。