（一）資本主義運作了幾百年，令到無數的國家致強致富。有啲國家變得小康，最少都會脫離赤貧。都已經係可見的事實，不容否認啦！我記得資本主義嘅四個元素，第一係生產「機器Ｉｎｔｒｕｍｅｎｔs」，一定要掌握喺私人的手上面，直接講，企業必需私營擁有，絕對唔能夠講國營。其二企業必須要賺錢（常識呢！）。第三，就係國家之間的貿易必需自由，第四就係關稅必須低微『合理』，無關稅，當然就係最好啦！亦即係自由港啦！
大約喺兩百多年前，資本主義漸漸進入瓶頸大關，如果能夠通過瓶頸，就係海闊天空，有好大嘅發展空間！呢個係指，當時嘅資本家要賺大錢，對工人階級造成欺壓和剝削。老闆與工人，變成對立嘅階級。共產主義嘅出現，就催谷和加劇了這種對立，成為階級鬥爭，指向武裝起義，連同官商勾結嘅政府，一同推翻。
資本主義通過呢個瓶頸嘅方式。我認為其中最大嘅奧秘，就是不少老闆已經發覺到，錢係大家搵先至可以符合社會嘅需求。談判桌上面文鬥嘴鬥，總好過喺戰場上對殺。不過覺悟依然係唔足夠。解決難關，都係根源於政治改革。尤其係英國的君主立憲(Constitutional Monarchy(一六八儿)。國家交由兩個議會管治。其中嘅下議員就有人民代表（工人）。工人階級都有發聲權，待遇慢慢改善，就沒有武裝起義的意欲。
（二）在最近嘅四十年，資本主義漸漸走入另外一個關鍵嘅瓶頸時代。造成呢個瓶頸出現嘅因素，是資本主義嘅第二個基因，就是賺錢嘅原則。不過這是生意的常規。再者，就係電腦科技嘅日新月異，加上運輸及物流科學的發達和昌盛。不過更為重要嘅係，中國向外開放的決定。而最是關鍵嘅因素，係美國因為要結束越戰，希望中國政府會調節支援北越嘅節奏和程度。
這是一廂情願嘅交易，結果係整個中南半島落入咗共產政權之中。我哋唔知道，當時嘅美國政府，是否會預計到呢種情況嘅出現，但始終都係好失敗啊！有機會我哋談談越戰吧。中美的政治交易成就咗美國工商企業進入中國投資，開啟了中國製造嘅年代！
隨著製造業大量咁搬遷到中國，美國(歐洲諸國亦不相伯仲)嘅藍領階級逐漸消失。佢地曾經係國家嘅中流砥柱，稅收嘅重要來源（我諗因為係，跟有錢人同埋企業唔同，呢個階級絕對冇辦法瞞稅）。各種貨品源源不絕咁由中國進口，造成龐大嘅貿易逆差。
當然等價交易嘅就係，美國嘅通脹維持喺低水平幾十年，
但同時做就咗，貪新忘舊嘅壞習慣，往往就將舊的貨品
拋棄，再買新嘅（Mobile_phone是最好例子)！
當然原因係同昂貴修理費有很
大關連。持續咗幾十年嘅中國製造，
已經到咗關鍵嘅時刻。藍領階級的消失，
表示中產階級和小康之家的末落。大企業同埋商家富戶，則年年賺大錢，貧富越嚟越懸殊。這些都是社會唔健康的發展，係一項重大危機，社會趨向於唔穩定和動亂。假如政府唔調節這種趨勢，最後國家必然會沒落。呢個亦係資本主義，需要進入革命嘅年代。否則佢對國家嘅最終價值，就係『亡國』。這無疑是資本主義現世的瓶頸！
另外一個意想不到的果實，就係資本主義，竟然做咗一些共產主義想要做，但係做不成的事情。經過以上的資本主義貿易，國際的財富重新分配(共產共榮)，令到赤貧的中國(現在的眾多中南半島共產國家，正將同樣受惠)出現無數富戶，很多人變得小康，重現『大國皇朝』的驕傲！ (二零二零年六月初)
註:歐洲工業革命（~１７６０－１８４０）令到英國成為最強嘅資本主義國家。我以為跟英國的君主立憲（１６８８），已超過一百年有密切關係。就連共產主義嘅老祖，馬克思先生都移居（１８４９）英國逃避德國的迫害，並且在英國終老（１８８３）。１７７６年，美國宣佈獨立，其中嘅獨立宣言，明確宣示世人平等，其後憲法規定選舉鐵法。１７８９年，法國民眾攻陷巴士的監獄，並迅速推倒極權皇朝，進一步帶動民主的潮流和制度。不過法國的民主道路，極為崎嶇和反覆。要等到拿破崙在１８１５年在滑鐵盧戰敗，然後先踏上平坦之路。