一個國家製定歷史課程，讓國民知道國家的源流進化，是責無旁貸，基本義務。但如果將教授歷史作為促使愛國的手段，則這種動機有待商榷。因為制定歷史課程的達官貴人極有可能，為咗呢個首要嘅目的，對歷史作出過濾，扭曲，甚至假造。最終都是有危害性的。當然首先，可以駁斥，歷史史科本身根本都係經過過濾。但係呢啲通通都係以前我哋嘅老祖宗做的『好』事(過濾歷史事件)，你都認為係唔啱，今日又點解要做呢？人類文明進步啦，少做錯事為妙！ 如果將本國歷史過度「修飾」，楊善隱惡，極有可能過了界，令國民對國家產生過度祟拜，甚至自戀！
我沒有讀過日本歷史，唔知道「明治維新」之後日本嘅教育，是否走上這路線。但日本人當年的愛國情緒真係洶湧澎湃，有目共睹，最後被極權統治者利用，結局你我都知！同一個時間，類似的情況發生在德國。結果戰火在波蘭燒起，蔓延整個歐洲，遠至北非大陸同埋莫斯科地區。大戰之後德國人痛定思痛，教育方面，徹底自我批判，承認錯誤和罪行。政治方面採納民主制度，融入人文主義精神。雖然國分為二，但最終成為歐洲最強經濟國度，舉世讚賞。戰後的日本執政自民黨，則處處在中學課程之中隱瞞戰爭罪行，甚至扭曲中日戰史，可算人(當然大部分係指中國人)神共憤。目的就係讓大日本帝國的的尊嚴和驕傲依然流在日本青年一代的血液。幸好日本政治走上民主制度，平民百姓大部分都只想安居樂業，唔想有戰爭發生，否則日本很有可能，再度成為極權軍國主義的溫床。
人類文明應該有所進步，價值觀從個人，家庭，社會，部族，國家，更上一層樓，放在人類和地球上面，否則未頂之災將不遠矣
二零一九，七月夏
教育愛國